另外加插---

自從買左部XBOX360,又要破產一段時間,同埋晚晚都夜訓左

當買完隻GTA4同真三5,玩左無耐就開始有D野唔妥

真三5先,佢個無限連技系統的確係幾好,但玩耐就會覺得悶,因為只係不停按同一鍵N次,可能只係偶然按一按特殊連技,仲有,今次無左成7個角色(星彩,大喬,左慈,孟獲,祝融,姜維,龐德),同時孫尚香同月英變左用弓,人地孫尚香係'弓腰姬',用弓都正常,但月英又使唔使跟埋呀,無奶由,加有多個角色動作一樣,今次光榮真係超失敗,但另一面,個無雙大蛇新版又狂出新人,成十幾個(孫悟空,女媧,佐佐木等),所以真三5根本唔值成4百幾蚊...

而GTA4,佢雖然係好多人心中GA 10分大作,但我覺得佢只係值8-9分,佢今次個電話同電腦系統唔錯,畫面好正,同埋有類似RAINBOW SIX ga cover系統,但係呢個大城市,只有4間clothes shop,仲要2間係一樣,而今集警察都勁左,3星就已經好難脫離,咁大個城市又唔整d 好似以前vice city 個shopping mall,不過唐人街真係幾好玩,d人講廣東話,又識爆粗,所以今集都係要online同人玩先好玩,10分,過份對gta太好

   20/5-21/5

仲以為要12點去到,點知又突然改左1點,搞到我咁早起身,餓死人咩...........

1點去到TKO地鐵站,而家袁佩shan個群一有時間就搵我地反,仲話要加入墨呷黨-.-,去到B出口,一個人都無,之後過左成差唔多15分鐘D人先黎哂,個maggie又話黎,點知無到,之後去左琦琦個到ga food count 食野,墨呷都係對個到d飯有所恐懼,食完之後,就開始今日ga活動-----------------桌球+bowling+badminton

美式,比英式打快好多..........

呢d可唔可以叫做一個大好機會斷送在他人手上

拍攝者也是被拍者

傅家俊轉行打保齡

死到臨頭仲咁開心

又一保齡女將

一堆爛泥-.-

光天化日做埋d咁ga野

(睇你個款都無全中喇,呵......)                           又一外太空生物

玩完就上左我到睇戲,睇睇下都興起話要玩通頂,個個都望住我,個刻有d無奈,Ok之後個個都去買野準備,買啤酒,零食,租碟,最後買左2打酒,租左隻'鐵道凶靈'

睇完差唔多成2點,套野又唔係好恐怖,你只可以話係日本ga電腦特技做得真,同泰國個d真係恐怖ga鬼戲截然不同,之後係咁返,由2點幾不停站反到朝早7點幾,過程又變態,又玩得超放...............一個飲左差唔多8罐啤酒開始周圍吻人ga人,個個中哂野,不過最慘都係琦琦,個初吻就咁樣俾人拎左,一個又要玩得放但第2日要返工ga人,一個好捱得,唔眼訓但最後都要為左個少少ga床位而奮鬥ga人,一個呀媽打黎成日要催返屋企ga人,之後成幾個都係為左對付個吻人ga人,出哂渾身解數,所以玩完都經已累到透,

同佢地食完個lunch,返去訓到成8點幾,但都好似唔多夠......虛脫喇

捉姦在床(上)

捉姦在床(下)

文明ga社會下仲有d咁ga事情發生,真係慘不忍睹

呢個咪係搞到個個都虛脫ga'吻人ga人'..........唔擺咁清ga相,費事佢名譽受損

P.S:計劃星期5返學校探下老師.........要Join ga搵我喇